Litva: Rusiya PUA-larının NATO ərazilərinə girişi gərginliyi artırır
"Rusiya pilotsuz təyyarələrinin NATO üzvü ölkələrin ərazilərinə daxil olması vəziyyəti gərginləşdirə və qarşılıqlı hərbi güc tətbiqinə səbəb ola bilər".
TodayPress TV xəbər verir ki, bu barədə Litvanın xarici işlər naziri Kestutis Budris bildirib.
O vurğulayıb ki, bu hadisələr Avropa və NATO daxilində heç kimin tam təhlükəsiz olmadığı gərgin vəziyyətə yol aça bilər. Nazir Litvanın belə qarşıdurmalardan və hərbi güc tətbiqindən qaçmaq üçün ən güclü marağa sahib olduğunu əlavə edib.
Budris həmçinin Polşaya Rusiya pilotsuz təyyarəsinin qəsdən daxil olması ilə bağlı təsdiq olmadığını deyib və bunun qarşısının alınmasının hər kəs, o cümlədən Rusiyanın da marağında olduğunu bildirib.
Türkan İsgəndərli
