İran Çabahar dəmir yolu layihəsini beynəlxalq koridorlara bağlamağa hazırlaşır

İranın icraçı vitse-prezidenti Məhəmməd Cəfər Kayem Panah bəyan edib ki, hökumət Çabahar dəmir yolu layihəsinin başa çatdırılması və onun ölkənin dəmir yolu şəbəkəsinə qoşulması üzərində fəal işləyir.

TodayPress TV xəbər verir ki, o, Çabaharda “Şimal–Cənub” dəhlizini ziyarət edərkən "İRNA"ya açıqlamasında bu layihənin strateji əhəmiyyətini vurğulayıb.

Kayem Panah bildirib ki, Çabahar dəmir yolunun milli dəmir yolu şəbəkəsinə qoşulması beynəlxalq nəqliyyat dəhlizinin yaradılmasına zəmin yaradacaq. Onun sözlərinə görə, bu marşrut Çabahar limanından əsas yüklərin şimal istiqamətinə, oradan isə Qafqaz, Rusiya və Avropaya daşınmasına imkan verəcək.

Rəsmi qeyd edib ki, layihə İranın regional və qlobal ticarətdə rolunu əhəmiyyətli dərəcədə gücləndirəcək.

Qiymət Mahir