Feldmarşal Paulyusu əsir götürən veteran vəfat etdi
İkinci Dünya müharibəsində Stalinqradda feldmarşal Fridrix Paulyusu əsir götürən Vasili Zinçenko 102 yaşında vəfat edib.
TodayPress TV xəbər verir ki, bu barədə "NSN" məlumat yayıb.
Keçmiş döyüşçü Qazaxıstanda yaşayıb və 102 yaşının tamam olmasına bir gün qalmış dünyasını dəyişib.
Vasili Zinçenko könüllü olaraq SSRİ Ordusu sıralarına qoşulub, kəşfiyyatçılar məktəbində təhsil alıb, Ukrayna, Belarus və Polşada, həmçinin Berlin uğrunda döyüşlərdə iştirak edib.
O, Qırmızı Ulduz, II dərəcəli Vətən Müharibəsi və III dərəcəli Şöhrət ordenləri, eləcə də “Stalinqradın müdafiəsinə görə” və “Almaniya üzərində qələbəyə görə” medalları ilə təltif olunub.
