Erməni uşaq türkə tüpürdü, Paşinyanın bu çıxışı gündəm oldu - VİDEO
Sosial medianın Türkiyə seqmentində Ermənistan Baş naziri Nikol Paşinyanın bir çıxışı gündəm olub.
TodayPress TV Globalinfo.az-a istinadən xəbər verir ki, sözügedən görüntülərdə Paşinyan türklər haqda danışır.
“Mənə “türk” deyə qışqırırlar. Amma bunu təhqir kimi qəbul etmirəm. Biz min illərdir türklərlə eyni coğrafiyada birlikdə yaşayırıq. Mədəniyyətlərimiz bir çox oxşarlıqları paylaşır. Buna görə də, məni türk adlandıranda əsəbiləşmirəm. Bunu deyənlər özlərinə, keçmişlərinə baxmalıdırlar”, – deyə Nikol çıxışında vurğulayır.
Qeyd edilən görüntülər türkiyəli səyyah və kontent istehsalçısı Emre Zeybekin Ermənistandan yaydığı videodan sonra yenidən gündəmə gətirilib.
Həmin kadrlarda erməni uşağın səyyahın türk olduğunu bilib yerə tüpürməsi müzakirələrə səbəb olub.
E.Zeybek Ermənistan səfəri ilə bağlı paylaşımında bunları qeyd edib:
“Bu ölkəyə müəyyən ön mühakimələrlə gəlmişdim və təəssüf ki, oranı tərk edərkən həmin fikirlərim dəyişməmiş qaldı. Səyahətim boyunca insanlara hər zaman gülərüzlə yanaşdım, heç bir təhrikedici davranış sərgiləmədim. Lakin əyləşdiyim restoranların əməkdaşlarından tutmuş küçədə qarşılaşdığım insanlara qədər, 7-dən 70-ə hər kəsdən oxşar münasibət gördüm.
Əlbəttə, hər cəmiyyətdə istisnalar olur. Ancaq bu səfər ərzində fərqli bir təcrübə yaşamaq imkanım olmadı. Düşünürəm ki, Ermənistanda nifrət hisslərini aşılayan bütün amillər məktəblərdən təmizlənməlidir. Bu paylaşım bütöv bir xalq haqqında deyil, yalnız öz səyahətim zamanı əldə etdiyim şəxsi müşahidələri və təcrübələri əks etdirir”.
Məhz Emre Zeybekin paylaşımından sonra Nikol Paşinyanın türklərlə bağlı fikri tirajlanmağa başlayıb.
Həmin videonu təqdim edirik:
