Ərdoğan yeni enerji planını açıqladı: Hasilat 45 milyon kubmetrə çatacaq
İkisi Azərbaycandan, ikisi Rusiyadan, biri isə İrandan olmaqla, ümumilikdə 5 boru kəməri ilə Türkiyəni Avropanın ən güclü enerji mərkəzlərindən birinə çevirdik. Son 10 ildə enerji sektoruna çox böyük investisiyalar yatırdıq. Türkiyə artıq 39 ölkədən, 50-dən çox şirkətdən təbii qaz tədarük edən nəhəng enerji infrastrukturuna malikdir.
TodayPress TV xəbər verir ki, bu fikirləri Türkiyə Prezidenti Rəcəb Tayyib Ərdoğan II İstanbul Təbii Sərvətlər Zirvəsində çıxışı zamanı bildirib.
Türkiyənin dünya boru ehtiyatlarının 73 faizinə sahib olduğunu vurğulayan Prezident Ərdoğan
Sakarya Qaz Yatağında gündəlik hasilatın 9,5 milyon kubmetrə çatdığını qeyd edib.
“Təkcə Qara dənizdə deyil, Qabar bölgəsində də tarix yazdıq. Daxili neft hasilatımızın 44 faizi Qabardan əldə olunur. Bu gün bu bölgədən əldə edilən hasilat Türkiyənin enerji təchizatının təhlükəsizliyinə çox böyük töhfə verir. 2028-ci ildə ikinci üzən hasilat platformasının istismara verilməsi ilə istehsal 45 milyon kubmetrə çatacaq. Cümhuriyyət tarixinin ən böyüyük neft kəşfini isə Şırnakda etdik. Onilliklər boyunca terrorla anılan bu bölgələr bu gün investisiya və məşğulluqla yadda qalır. Uzun illər istifadəsiz qalan ərazilərdə turizm artır, kənd təsərrüfatı inkişaf edir. Diyarbəkirdə 4 sahə müəyyən edilib. Qarşıdakı 3 il ərzində daha 24 quyuda iş aparmağı planlaşdırırıq”, - deyə Türkiyə lideri vurğulayıb.
Türkiyənin qlobal enerji diplomatiyasında da ön sıralarda olduğunu qeyd edən ölkə başçısı deyib: "Somalinin ərazi sularında apardığımız kəşfiyyat işləri Türkiyənin xaricdə həyata keçirdiyi ilk dərin dəniz qazması olmaq baxımından tarixi əhəmiyyət daşıyır. İqlim şərtləri əlverişli olacağı təqdirdə Somalidəki qazma işləri 6–9 ay ərzində tamamlanacaq".
