Çinin reytinq agentliyi “Qazprom”a ən yüksək qiyməti verdi
Çinin “CSCI Pengyuan” reytinq agentliyi "Qazprom"a yüksək və uzunmüddətli kredit reytinqləri verib.
TodayPress TV xəbər verir ki, bu barədə holdinqin açıqlamasında deyilib.
Bildirilib ki, beynəlxalq miqyasda şirkətə “A-i”, Çinin milli şkalası üzrə isə “AAA” (ən yüksək) reytinqi verilib.
Proqnoz isə stabil qiymətləndirilib.
Agentlik şirkətin maliyyə profilini aşağı borc səviyyələri və sabit pul axını ilə əsaslandırıb.
O cümlədən 2025-2026-cı illərdə güclü kredit göstəricilərini qoruyacağını bildirib.
“Qazprom”un baş direktorunun müavini Famil Sadıqov qeyd edib ki, müstəqil agentliyin verdiyi yüksək reytinq şirkətin maliyyə sabitliyini və güclü kredit qabiliyyətini təsdiqləyir.
Aysel Mətləb
