Braziliyada qəhvə ucuzlaşdı
Braziliyada böyük qəhvə məhsulu yığılacağı ilə bağlı gözləntilər fonunda dünya birjalarında qəhvə qiymətləri ucuzlaşıb.
TodayPress TV xəbər verir ki, bu barədə “Reuters” agentliyi məlumat yayıb.
Nyu-York birjasında keçirilən hərracların nəticələrinə görə, "Arabica" qəhvəsinin fyuçersləri 0,2 faiz azalaraq funt üçün 3,0785 dollar olub. Bu göstərici son beş ayın ən aşağı səviyyəsi kimi qiymətləndirilir.
Braziliyada yaxın bir-iki ay ərzində yığılacaq yeni qəhvə məhsulunun həcmi rekord səviyyəyə - 75,8 milyon kisəyə çata bilər. Qeyd olunur ki, hər kisənin çəkisi 60 kiloqramdır.
Proqnozlara əsasən, bu həcmin 48 milyon kisəsi "Arabica", 27,8 milyon kisəsi isə "Robusta" qəhvəsinin payına düşəcək.
Türkan İsgəndərli
