ABŞ Suriyadakı qoşunlarını tamamilə çıxarmaq niyyətindədir
Vaşinqton ABŞ qoşunlarının Suriyadan tamamilə çıxarılması imkanını nəzərdən keçirir.
TodayPress TV xəbər verir ki, bu barədə adları açıqlanmayan Amerika rəsmiləri "Wall Street Journal” qəzetinə bildiriblər:
“Suriya Prezidenti Əhməd əl-Şaraa ABŞ-nin dəstəklədiyi kürd silahlı qüvvələrini ölkənin şimal-şərqinə nəzarətdən məhrum etmək üçün addımlar atır. Bu səbəbdən, Vaşinqton Amerika qoşunlarının Suriyadan tamamilə çıxarılması imkanını nəzərdən keçirir”.
Bildirilib ki, bu addım ABŞ-nin 2014-cü ildə başlayan Suriya əməliyyatına son qoyacaq. Qəzetin məlumatına görə, ölkədə Suriyanın şimal-şərqindəki müxtəlif obyektlərə səpələnmiş təxminən 1000 amerikalı əsgər var.
Aysel Mətləb
