ABŞ silah arsenalını genişləndirir
"ABŞ nüvə silahlarının sayını artırmağı nəzərdə tutmur, lakin mövcud arsenalın modernləşdirilməsi vacib hesab olunur".
TodayPress TV xəbər verir ki, bunu "Bloomberg" agentliyinə müsahibəsində ABŞ-nin NATO-dakı daimi nümayəndəsi Metyu Uitaker deyib.
Onun sözlərinə görə, nüvə qüvvələrinin yenilənməsi milli təhlükəsizlik üçün zəruri addımdır. Uitaker vurğulayıb ki, Vaşinqton nüvə silahlarının yayılmaması öhdəliyinə sadiqdir:
“Mən düşünmürəm ki, biz nüvə imkanlarımızı genişləndirmək istəyirik. Bununla belə, biz modernləşməni istəyirik. Modernləşmə zəruridir, bizim özümüzə lazımdır".
ABŞ Prezidenti Donald Tramp isə yaxın zamanlarda nüvə sınaqlarının bərpa oluna biləcəyini istisna etməyib.
Türkan İsgəndərli
