ABŞ-dən İraqa xəbərdarlıq
ABŞ Bağdada xəbərdarlıq edərək, gələcəkdə İraq hökumətində İrana bağlı silahlı qruplaşmalara yer verildiyi təqdirdə, bu hökuməti tanımayacağını bildirib.
TodayPress TV xəbər verir ki, bu barədə "Azad İran" "Telegram" kanalı məlumat yayıb.
Məlumata görə, İraqdakı şiə və kürd cərəyanları prezidentliyin kürdlərə verilməsi məsələsində razılaşıblar və bu mövqe İran tərəfindən də dəstəklənib. Ancaq baş nazir postunun Tehrana bağlı bir sünni simaya verilməsi narahatlıq yarada bilər.
Bildirilir ki, bütün şiə qrupları Məhəmməd əs-Sudaninin yenidən baş nazir təyin olunmasına qarşıdırlar. Lakin ABŞ Prezidenti Donald Trampın İraq üzrə xüsusi nümayəndəsi Mark Safaya əs-Sudani ilə şəxsi münasibətlərə sahibdir və bu, onun baş nazir olmasına təsir edə bilər.
