Rodriqo üçün ağır zərbə: mövsüm və mundial əldən getdi
Braziliya millisinin baş məşqçisi Karlo Ançelotti ağır zədə alan Rodriqo Qoesa dəstək mesajı ünvanlayıb.
TodayPress TV xəbər verir ki, italiyalı mütəxəssis bu barədə sosial şəbəkə hesabında yazıb:
“Bərpa prosesinin hər mərhələsində səninləyik. Güclü ol, Rodriqo”.
Xatırladaq ki, braziliyalı futbolçu sağ dizinin ön çarpaz bağlarını və lateral meniskini qoparıb. Onun bərpası təxminən 10 ay çəkə bilər.
Zədə “Xetafe” ilə La Liqanın XXIV tur matçında (0:1) baş verib. Rodriqo oyunu davam etdirsə də, tibbi müayinələrdən sonra ağır zədə aldığı təsdiqlənib.
“Real Madrid” klubunun hücumçusu mövsümün qalan hissəsini və 2026-cı il dünya çempionatını buraxacaq.
Namiq HUN
