III MDB Oyunlarının medalları təqdim olundu
Azərbaycanda keçiriləcək III MDB Oyunlarının medalları təqdim olunub.
TodayPress TV xəbər verir ki, bu barədə Bakı Şəhər Halqası məlumat yayıb.
Medalların üzərində Oyunların rəsmi loqosu əks edilib. Dizayn birliyi, idman ustalığını, gücü və mübarizə ruhunu simvolizə edir.
Yarışlarda ümumillikdə 1694 medal (505 qızıl, 505 gümüş, 684 bürünc) uğrunda mübarizə gedəcək. Qalib komandaların uğuruna ən çox töhfə verən idmançıların da xüsusi mükafatlarla təltif edilməsi nəzərdə tutulub.
Qeyd edək ki, III MDB Oyunları bu il sentyabrın 28-dən oktyabrın 8-dək Azərbaycanın Gəncə, Yevlax, Mingəçevir, Qəbələ, Şəki, Göygöl və Xankəndi şəhərlərində təşkil olunacaq yarışlar 12 idman məkanında baş tutacaq.
Namiq HUN
