Gənc idmançımızdan möhtəşəm start — qızıl və gümüş
Azərbaycanın stolüstü tennisçisi Onur Quluzadə Tunisdə keçirilən “WTT Youth Star Contender Tunis 2026” beynəlxalq turnirini iki mükafatla başa vurub.
TodayPress TV Stolüstü Tennis Federasiyasına istinadən xəbər verir ki, U-15 yaş qrupunda çıxış edən Quluzadə fərdi yarışlarda bütün rəqiblərini məğlub edərək finala yüksəlib.
İdmançımız həlledici qarşılaşmada ispaniyalı Ladimir Mayoroya uduzaraq gümüş medal qazanıb.
Qeyd edək ki, Onur Quluzadə daha əvvəl eyni turnirin qoşa yarışlarında bütün rəqiblərinə qalib gələrək qızıl medal əldə etmişdi.
Beləliklə, o, ilin ilk sınağını bir qızıl və bir gümüş medalla tamamlayıb.
Namiq HUN
