“Qarabağ”ın futbolçusu Yunanıstan klubunun hədəfindədir
Yunanıstanın AEK klubu “Qarabağ”ın futbolçusu Pedro Bikalyonun transferində israrlıdır.
TodayPress TV “Apasport.az”a istinadən xəbər verir ki, braziliyalı yarımmüdafiəçi komandanı tərk etməyə yaxındır.
Afina təmsilçisi bu transferi qış fasiləsində reallaşdıra bilməsə də, Yunanıstan çempionatının lideri futbolçunu heyətinə qatmaq niyyətindən əl çəkməyib. “Sarı-qaralar” yay transfer pəncərəsi üçün büdcəni müəyyənləşdirdikdən sonra Bikalyo ilə bağlı rəsmi təklif göndərəcəyi gözlənilir.
Qeyd edək ki, 25 yaşlı yarımmüdafiəçinin “Qarabağ”la müqaviləsi 2028-ci ilin yayına qədər qüvvədədir.
Namiq HUN
