Premyer Liqa: "Qəbələ" "Şamaxı"nı məğlub etdi
Azərbaycan Premyer Liqasında sonuncu - XXXIII turun açılış matçında "Qəbələ" "Şamaxı"nı məğlub edib.
TodayPress TV-nin məlumatına görə, Qəbələ şəhər stadionunda baş tutan matç ev sahiblərinin 3:1 hesablı qələbəsi ilə bitib.
"Qəbələ"nin heyətində Seydina Keyta (4), Domi Massumo (33), Nicat Əliyev (36) fərqləniblər. "Şamaxı"nın qolunu isə Kərim Rossi (15) vurub.
Meydan sahibləri 27 xalla 11-ci, qonaqlar 38 xalla 8-ci pillədə qərarlaşıb.
Tura mayın 24-də yekun vurulacaq.
