Olimpiadada virus təhlükəsi: İsveçrə yığması izolyasiyada
İsveçrə qadın hokkey yığması norovirus səbəbindən Olimpiadada izolyasiyaya alınıb
TodayPress TV İsveçrə Hokkey Federasiyasının mətbuat xidmətinə istinadən xəbər verir ki, komandanın bir üzvündə norovirus aşkarlanandan sonra qadın hokkey yığması tam şəkildə izolyasiyaya yerləşdirilib.
Federasiyanın açıqlamasına görə, norovirus testinin müsbət nəticəsi Çexiya ilə oyundan sonra və Olimpiya Oyunlarının açılış mərasiminə az qalmış əldə olunub. Xəstə idmançı Olimpiya kəndinə gəldiyi vaxtdan ayrı otaqda qalırdı və simptomlar yarandığı andan etibarən izolyasiya edilmişdi. Fevralın 6-da səhər saatlarında artıq onda xəstəlik əlamətləri müşahidə edilməsə də, ehtiyat tədbiri kimi bütün komanda karantinə alınıb. Digər hokkeyçilərdə isə heç bir simptom aşkar edilməyib.
Qeyd edək ki, İsveçrə yığması qrup mərhələsinin ilk matçında Çexiyanı bullitlər seriyasında 4:3 hesabı ilə məğlub edib. Matçdan sonra komanda Olimpiadanın açılış mərasimini buraxmalı olub.
Komandanın növbəti oyunu fevralın 7-də Kanada yığmasına qarşı keçirilməli idi.
Xatırladaq ki, norovirusa yoluxma halı Finlandiya qadın hokkey yığmasında da qeydə alınmışdı.
Namiq HUN
