Flikdən maraqlı qərar: əvvəl nəticə, sonra müqavilə!
“Barselona” klubu baş məşqçi Hans-Diter Flik ilə müqaviləni uzatmağı planlaşdırır.
TodayPress TV “Mundo Deportivo” nəşrinə istinadən xəbər verir ki, yeni müqavilə “1+1” sistemi ilə – yəni bir il əsas müddət və müəyyən hədəflərə çatılacağı halda əlavə bir il opsiya ilə nəzərdə tutulur.
Mənbəyə əsasən, tərəflər arasında artıq şifahi razılıq əldə olunub. Lakin alman mütəxəssis hesab edir ki, hazırda müqavilənin rəsmi imzalanması üçün uyğun vaxt deyil. O, yeni anlaşmanı nəticələri ilə qazanmaq istədiyini bildirib.
Qeyd edək ki, 61 yaşlı Flik 2024-cü ilin mayından “Barselona”ya rəhbərlik edir. Onun hazırkı müqaviləsi 2027-ci ilə qədər qüvvədədir.
Namiq HUN
