“Ferrari” bolidi və tifozilərlə ilk təmas: Hemiltonun emosional anları
“Çox emosional təcrübə, yeni başlanğıc hissi”.
TodayPress TV xəbər verir ki, yeddiqat dünya çempionu Lyuis Hemilton Ferrarinin SF-26 yeni bolidi ilə Fiorano trasında ilk yürüşdən sonra hisslərini bölüşüb.
“Düzünü desəm, həyəcanımı ifadə edəcək söz tapa bilmirəm. Hətta keçən gecə demək olar ki, yatmadım, çünki bilirdim ki, bu gün gələcək. Son günlər çox həyəcanlı keçdi: maşının yığılmasını görmək, qarajda olmaq və hər kəsi görmək, hər kəsin etdiyi bütün zəhməti görmək və mənim ilk olaraq sükan arxasına oturmaq şansıma sahib olmaq - bu, böyük bir imtiyaz və şərəfdir.
İlk dəfə oturanda ətrafında qırmızı yox, ağ rəng var - bu, açıq-aydın fərqli hissdir. Həmişə qırmızı kokpitdə olmağı arzulamışam. Amma maşın möhtəşəm görünür! Sonra qapını açırsan və ilk döngəyə doğru gedirsən, tifoziləri ilk dəfə görürsən - bu çox, çox emosional təcrübədir və tamamilə yeni başlanğıc hissi verir”, - deyə Hemilton bolid təqdimatından sonra canlı efirdə bildirib.
Namiq HUN
