Emmanuel Addai “Qarabağ”dan ayrılır?

“Qarabağ” klubunun yarımmüdafiəçisi Emmanuel Addai qeydiyyatını Kipr klubuna dəyişir. 

TodayPress TV xəbər verir ki, qanalı futbolçu “Omoniya” klubu ilə anlaşıb. 

Afrika mətbuatının məlumatına görə, klub Addai üçün “Qarabağ”a 1.3 milyon avro ödəməyə hazırdır. Müqavilənin 3 illik olacağı bildirilir. 

Daha əvvəl futbolçu Kiprin APOEL klubunun maraq dairəsində olub. Paytaxt təmsilçisi Emmanuel üçün “Qarabağ”a 1.2 milyon avro təklif edib.

Qeyd edək ki, Addainin “Qarabağ2la müqaviləsi 2026-cı ilin yayına qədər qüvvədədir. O, son mövsüm bütün turnirlərdə 39 oyuna çıxaraq 4 qol vurub və 1 məhsuldar ötürmə edib.

Namiq HUN