Dovbikin “Vilyarreal”ə keçidi baş tutmadı

“Roma” klubunun hücumçusu Artyom Dovbikin “Vilyarreal”ə transferi ilə bağlı danışıqlar uğursuzluqla nəticələnib. 

TodayPress TV xəbər verir ki, La Liqa təmsilçisi ukraynalı hücumçunun icarəsi üçün 5 milyon avro təklif edib, lakin “Roma” yalnız tam transfer variantını qəbul etmək istəyib.

Məlumatlara görə, tərəflər danışıqlarda irəliləyiş əldə etmişdi və “Vilyarreal” icarə baş tutacağı halda futbolçunun bütün maaşını ödəməyə hazır idi.

Qeyd edək ki, Artyom Dovbik ötən mövsüm 45 oyunda iştirak edib, 17 qol vurub və 4 məhsuldar ötürmə ilə yadda qalıb. “Transfermarkt” portalı Dovbikin dəyərini 30 milyon avro olaraq qiymətləndirir.

Namiq HUN