DÇ-2026: Xorvatiya mundiala vəsiqə qazandı
DÇ-2026-nın seçmə mərhələsi çərçivəsində Xorvatiya Farer adaları yığmasını qəbul edib.
TodayPress TV xəbər verir ki, azərbaycanlı FIFA referisi Əliyar Ağayevin idarə etdiyi Rijeka qarşılaşmasında L qrupunun lideri 3:1 hesablı qələbə qazanıb.
Farer adaları yığması yarımmüdafiəçi Geza David Turinin qolu ilə oyunda hesabı açsa da, hesabdakı üstünlüyünü qoruya bilməyib. Xorvatiya komandasının heyətində Yoşko Qvardiol, Petar Musa və Nikola Vlaşiç fərqlənib.
Zlatko Daliçin komandası bu qələbədən sonra 2026-cı il dünya çempionatına vəsiqə qazanıb.
Namiq HUN
