“Dakar-2025”in qalibi yarışdan çıxdı
2025-ci il “Dakar” rallisinin qalibi olan səudiyyə ərəbistanlı Yazid Al-Raci marafondan kənar qalıb.
TodayPress TV Cross-Country Rally News teleqram kanalına istinadən xəbər verir ki, OVERDRIVE RACING komandası tərkibində Toyota avtomobilləri sinfində çıxış edən pilot yarışı tərk edib.
Bildirilib ki, texniki nasazlıq səbəbindən Al-Raci 234-cü kilometrdə mərhələni dayandırmaq qərarına gəlib.
Yazid Al-Raci texniki problemlərə görə 234-cü kilometrdə mərhələdən çıxacağını elan edib. “Dakar-2025”in qalibi ümumi hesabda qələbə ümidlərinin puça çıxdığını anlayır. O, bu il titulunu qoruya bilməyəcək.
Qeyd edək ki, yanvarın 6-da keçirilən üçüncü mərhələdən sonra Ford avtomobilində çıxış edən Mitç Qatri liderliyi ələ keçirib.
Namiq HUN
