“Bavariya”nı rekord səfər seriyası gözləyir
Almaniyanın “Bavariya” basketbol komandası 40 gün ərzində 12 oyun keçirəcək, onlardan 11-i səfərdə baş tutacaq.
TodayPress TV xəbər verir ki, bu barədə "Basket News" məlumat yayıb.
Noyabrın 12-də “Barselona”ya qarşı ev oyunundan sonra Münhen təmsilçisi öz meydanında yalnız 23 dekabrda, İsrailin “Hapoel” (Təl-Əviv) klubuna qarşı oynayacaq.
Bu qeyri-adi cədvəlin səbəbi 2026-cı ilin yanvarında Serbiyanın paytaxtı Belqradda keçiriləcək su polosu üzrə Avropa çempionatıdır. Turnirə görə, “Partizan”la yanvar oyunu noyabrla dəyişib və bu, “Bavariya”nı Avroligada ardıcıl yeddi səfər matçı ilə üz-üzə qoyub:
“Anadolu Efes”, “Baskoniya”, “Valensiya”, “Partizan”, “Dubai”, ASVEL və “Monako”.
Bundesliqada da vəziyyət asan deyil:
İstanbul səfərindən sonra komanda növbəti beş oyundan dördünü səfərdə keçirəcək.
Beləliklə, “Bavariya” ümumilikdə 12 oyundan 11-ni səfərdə oynayacaq.
Hazırda Münhen klubu 5 qələbə və 4 məğlubiyyətlə Avroligada 9-cu yerdədir.
Namiq HUN
