Edvards tarixə necə düşmək istədiyini açıqladı
ABŞ Milli Basketbol Assosiasiyasında (NBA) çıxış edən “Minnesota Timbervulvz” klubunun ulduzu Entoni Edvards karyerasının necə xatırlanmasını istədiyini açıqlayıb.
TodayPress TV xəbər verir ki, o, bu barədə “NBA Courtside”ə danışıb.
Edvards bildirib ki, azarkeşlərin yaddaşında “dayandırılması mümkün olmayan oyunçu” kimi qalmaq istəyir:
“İstəyirəm ki, məni belə xatırlasınlar – onu dayandırmaq mümkün deyildi. Hər şey sadədir. O, dayandırıla bilmirdi və necə qalib gəlmək lazım olduğunu göstərirdi”.
Qeyd edək ki, “Minnesota Timbervulvz” ilə “Denver Naggets” arasında pley-off seriyasının üçüncü oyunu aprelin 24-də keçiriləcək. Hazırda seriyada hesab 1:1-dir.
Namiq HUN
