Azərbaycan çempionu Braziliyadan transfer edir?
“Qarabağ” Braziliyanın “Sport Resife” klubunun müdafiəçisi Marselo Ajulla ilə maraqlanır.
TodayPress TV yerli mətbuata istinadən xəbər verir ki, “köhlən atlar” 23 yaşlı futbolçunun transferini reallaşdırmaq üçün Braziliya B seriyası təmsilçisi ilə danışıqlara başlayıb.
İddialara görə, Azərbaycan çempionu Marselo Ajulla üçün artıq rəsmi təklif də göndərib. Lakin “Qarabağ”ın ilk təklifi “Sport Resife” klubunu qane etməyib.
Qeyd edək ki, Marselo Ajullanın Braziliya klubu ilə müqaviləsi 2027-ci ilin sonuna qədər qüvvədədir. Müdafiəçinin transfer dəyəri 100 min avro qiymətləndirilir. O, karyerası ərzində “Sport Resife” ilə yanaşı, Xorvatiyanın “Dubrava” klubunun da formasını geyinib.
Namiq HUN
