Füzulidə minalanmış ərazidəki yanğına əlavə qüvvə cəlb edildi - YENİLƏNDİ

Füzuli rayonunun Aşağı Əbdürrəhmanlı və Yuxarı Əbdürrəhmanlı kəndləri istiqamətində açıq ərazidə yanğın baş verib.

TodayPress TV xəbər verir ki, bu barədə Fövqəladə Hallar Nazirliyi (FHN) məlumat yayıb.

Dərhal FHN-in Dövlət Yanğından Mühafizə Xidmətinin qüvvələri hadisə yerinə cəlb olunub.

Ərazinin minalanmış olması yanğınla mübarizə tədbirlərini mürəkkəbləşdirir.

Hazırda yanğının söndürülməsi istiqamətində əməliyyat davam etdirilir. 

***

Füzulidə baş verən yanğının söndürülməsinə 3 rayondan əlavə qüvvə cəlb edilib.

Belə ki, hadisə yerinə FHN-in Xocavənd, İmişli və Beyləqan rayonlarından yanğınsöndürən avtomobil və şəxsi heyət göndərilib.

Hazırda ərazidə yanğının söndürülməsi istiqamətində əməliyyatlar davam etdirilir.

Qeyd edək ki, ərazinin minalı olması yanğınsöndürmə əməliyyatlarına təsir edir.