Veşoviçin yeni klubu açıqlandı
“Qarabağ” klubundan ayrılan Marko Veşoviçin yeni klubu məlum olub.
TodayPress TV klubun mətbuat xidmətinə istinadən xəbər verir ki, monteneqrolu müdafiəçi karyerasını “Lokomotiva” (Zaqreb) klubunda davam etdirəcək.
Xorvatiya təmsilçisi ilə bağlanan müqavilənin müddəti hələlik açıqlanmayıb.
Daha əvvəl Veşoviçin “Turan Tovuz” klubu ilə danışıq aparması ilə bağlı xəbərlər yayılmışdı.
Qeyd edək ki, Marko Veşoviç 2021-ci ildən “Qarabağ”da çıxış edirdi. 34 yaşlı futbolçu Ağdam təmsilçisində 134 oyuna çıxıb, 5 qol vurub və 16 məhsuldar ötürmə edib.
Namiq HUN
