UEFA-dan ÇSKA – "Qarabağ" matçı ilə bağlı qərar
UEFA Avropa Liqasının ikinci təsnifat mərhələsinin cavab oyunu çərçivəsində keçiriləcək ÇSKA - “Qarabağ” görüşünün hakim təyinatları məlum olub.
TodayPress TV xəbər verir ki, qarşılaşmanı Belçikadan olan Bram van Driske idarə edəcək.
Ona həmyerliləri Mixele Seeldrayers və İv de Nev kömək edəcəklər. Dördüncü hakim funksiyasını isə Kevin van Damm yerinə yetirəcək.
Qeyd edək ki, ÇSKA - “Qarabağ” cavab görüşü iyulun 30-da Bolqarıstanın Sofiya şəhərində keçiriləcək. İlk oyun qolsuz bərabərliklə başa çatıb.
Namiq HUN
