Sane “Qalatasaray”ın radarına düşdü
“Bavariya” klubunun yarımmüdafiəçisi Leroy Sane karyerasını Türkiyədə davam etdirməyə yaxındır.
TodayPress TV xəbər verir ki, bu barədə məşhur jurnalist Florian Plettenberq sosial şəbəkə “X”də məlumat yayıb.
Bildirilir ki, “Qalatasaray” 29 yaşlı futbolçuya illik 10-12 milyon avro məvaciblə bağlı ən sərfəli yazılı təklif təqdim edib. Müqavilə şərtləri və maliyyə baxımından razılıq əldə olunmaq üzrədir.
Yarımmüdafiəçi “Bavariya”nı azad agent kimi tərk edəcək. Artıq klub rəhbərliyi bu qərar barədə məlumatlandırılıb. O, klublararası dünya çempionatına yollanmayacaq.
Leroy Sane 2024/2025 mövsümündə Bundesliqada 30 matçda 11 qol vurub və 5 məhsuldar ötürmə verib. UEFA Çempionlar Liqasında isə 13 oyunda 1 dəfə fərqlənib.
Namiq HUN
