“Sabah” səfərdə “İmişli”yə qalib gəldi
Azərbaycan Premyer Liqasının XIII turunda keçirilən “İmişli” – “Sabah” qarşılaşması başa çatıb.
TodayPress TV xəbər verir ki, paytaxt təmsilçisi Quba Olimpiya kompleksinin stadionunda baş tutan matçdan böyükhesablı qələbə ilə ayrılıb – 0:3.
“Sabah” görüşün ikinci yarısında vurduğu ardıcıl qollarla səfər qarşılaşmasından qalib ayrılıb.
Matçın 54-cü dəqiqəsində Amin Seydiyev vurduğu qolla hesabı açıb – 0:1.
60-cı dəqiqədə Stiv Solvet hesab arasındakı fərqi 2 topa çatdırıb.
Matçın yekun nəticəsini isə Kahim Parris 93-cü dəqiqədə vurduğu qolla müəyyənləşdirib – 0:3.
Qeyd edək ki, turun əvvəlki görüşlərində “Zirə” “Kəpəz”i 2:0 hesabı ilə məğlub edib. “Turan-Tovuz” – “Neftçi” görüşündə isə hesab açılmayıb.
Tura noyabrın 30-da yekun vurulacaq.
Namiq HUN
