Mudrik yenə gündəmdə: yol qaydası pozuntuları və dopinq iddiaları
“Çelsi” klubunun hücumçusu Mixaylo Mudrik ətrafında yenidən qalmaqal yaranıb.
TodayPress TV xəbər verir ki, o, qanunsuz şəkildə tündləşdirilmiş şüşələri olan avtomobil idarə etdiyi üçün sürücülük qadağası alıb.
Polis yoxlaması zamanı futbolçunun sürücülük hüququ məhdudlaşdırıldığı halda avtomobil idarə etdiyi, sığortasının olmadığı və nəqliyyat vasitəsini təhlükəli vəziyyətdə istifadə etdiyi müəyyən edilib.
Məhkəmənin qərarına əsasən, Mudrik bir il müddətinə sürücülük hüququndan məhrum edilib. Bundan başqa, o, 12 aylıq ictimai iş cəzası alıb və 60 saatlıq ödənişsiz iş görməyə məcbur edilib.
Futbolçuya həmçinin 199 funt sterlinq məbləğində cərimə kəsilib.
Hadisə Mixaylo Mudrikin İngiltərədə yol hərəkəti qaydaları ilə bağlı ardıcıl problem yaşadığı üçün britaniya mediasında geniş müzakirə olunub.
Qeyd edək ki, Mixaylo Mudrikin dopinq qalmaqalı yenidən gündəmə gəlib.
Namiq HUN
