Mourinyodan Rodri etirafı: “Şübhələri məni də tərəddüdə saldı”
“Real”ın baş məşqçisi Joze Mourinyo yarımmüdafiəçi Rodrinin “Mançester Siti”dən Madrid təmsilçisinə transferinin niyə baş tutmadığını açıqlayıb.
TodayPress TV xəbər verir ki, bu barədə “Goal” nəşri məlumat yayıb.
“Mən onunla bir neçə dəfə danışdım və “Real” ona çox yaxşı təklif etmişdi. Düşünürəm ki, onun “Mançester Siti” ilə münasibətləri çox yaxşıdır. Klub “Siti” ilə danışıqlar aparmadan Rodri ilə əlaqə saxladı və ona böyük təklif etdi.
Rodrinin tərəddüdləri var idi. O, qərarsız idi və onun bu tərəddüdləri məndə də şübhə yaratdı.
O, möhtəşəm futbolçudur və bizə qarşı çox hörmətli davranıb. Onun haqqında pis heç nə deyə bilmərəm. Lakin “Real” elə böyük klubdur ki, burada öz qərarlarına şübhə edən futbolçular olmamalıdır.
Sən futbolçu ilə əlaqə saxlayırsan, o isə soruşur: “Nə vaxt gəlməliyəm?” Konsepsiya təxminən bundan ibarətdir. Bununla belə, o, bizə qarşı çox hörmətli davrandı. Ona uğurlar arzulayıram... Əlbəttə, çox böyük uğurlar yox, amma yenə də uğurlar”, – deyə Mourinyo bildirib.
Qeyd edək ki, iyul ayında mətbuatda Rodrinin “Real”la şəxsi müqavilənin şərtlərini razılaşdırdığı barədə məlumat yayılmışdı. Daha sonra “Barselona”nın da futbolçu uğrunda mübarizəyə qoşulduğu və Rodrinin Kataloniya təmsilçisinin təklifini seçdiyi bildirilib. “Barselona” transferi avqustun 18-də rəsmən açıqlayıb.
Namiq HUN
