İsak “Liverpul”a keçmək istəyir

Məşhur insayder Fabrisio Romano Aleksander İsakın “Liverpul”a mümkün transferi ilə bağlı yeni məlumatlar paylaşıb.

TodayPress TV xəbər verir ki, “Liverpul” yay transfer pəncərəsi bağlanmadan əvvəl “Nyukasl”ın hücumçusunu almaqda israrlıdır və futbolçu üçün yenidən təklif göndərməyə hazırlaşır.

“Liverpul” sonadək risk etməyə hazırdır. Aleksander İsak yalnız “Liverpul”a keçmək istəyir. Əgər “Nyukasl” Voltemade və digər hücumçunun gəlişindən sonra onun gedişinə icazə versə, “Liverpul” dərhal İsakı heyətinə qatacaq”, – Romano bildirib.

Qeyd edək ki, “Nyukasl” İsakın transferi üçün 150 milyon avro tələb edir.  İsveçli hücumçu cari mövsümdə klubun iştirak ərizəsinə daxil edilməyib.

Namiq HUN