“İmişli” qələbəni qoruya bilmədi
Azərbaycan Premyer Liqasında XV turun oyunları davam edir.
TodayPress TV xəbər verir ki, turun son oyun günündə “İmişli” klubu “Karvan-Yevlax”ı qəbul edib.
Qarşılaşma Quba Olimpiya İdman Kompleksinin stadionunda keçirilib.
Oyunda hesab 29-cu dəqiqədə açılıb. “İmişli”nin futbolçusu Dioqo Almeyda komandasını hesabda irəli çıxarıb – 1:0.
Lakin “Karvan-Yevlax” fasiləyə qədər bərabərlik qolunu vurmağa nail olub. 39-cu dəqiqədə Vadim Abdullayev qonaqların heyətində fərqlənib – 1:1.
Matçın qalan dəqiqələrində hesab dəyişməyib və tərəflər 1:1 hesablı heç-heçə ilə kifayətləniblər.
Xatırladaq ki, bu komandaların mövsümün ilk dövrəsində baş tutan oyununda “İmişli” 3:0 hesablı qələbə qazanmışdı.
Namiq HUN
