Ferstappenin kölgəsində: Peres “Red Bull”u belə xatırladı
“Red Bull”un sabiq pilotu, meksikalı Serxio Peres Avstriya təmsilçisində çıxış etməyin çətinlikləri ilə bağlı fikirlərini bölüşüb.
TodayPress TV xəbər verir ki, bu barədə Peres Oso Trava adlı YouTube kanalına verdiyi müsahibədə deyib:
“Çox güclü, amma eyni zamanda çətin bir komandada idim. Maksın komanda yoldaşı olmaq asan deyil, amma məhz “Red Bull”da onun komanda yoldaşı olmaq “Formula-1”də ən pis işdir.
Mən “Red Bull”a gələndə nəyə razılaşdığımı bilirdim. Kristian Hornerlə ilk görüşümdə o mənə dedi: “Bizim iki maşınımız olacaq, çünki bu tələb olunur, amma bu layihə Ferstappen üçün yaradılıb, o bizim istedadımızdır”. Mən bunu tam başa düşürdüm”.
Namiq HUN
