Het-trik və dublla zirvəyə: Tyaqo ayın ən yaxşısı oldu

“Brentford” klubunun hücumçusu İqor Tyaqo İngiltərə Premyer Liqasında yanvar ayının ən yaxşı futbolçusu seçilib.

TodayPress TV xəbər verir ki, bu barədə Premyer Liqa sosial şəbəkə hesabında məlumat yayıb. 

24 yaşlı forvard yanvar ayında çempionatda keçirdiyi beş oyunda beş qol vuraraq fərqlənib. O, XX turda “Everton”a qarşı matçda (4:2) het-trik edib, XXI turda isə “Sanderlend”lə görüşdə (3:0) dubla imza atıb.

Fevralın 13-də İqor Tyaqonun “Brentford”la müqaviləsini 2031-ci ilə qədər uzatdığı açıqlanıb.

Qeyd edək ki, cari mövsümdə hücumçu Premyer Liqanın 26 oyununda 17 qol və 1 məhsuldar ötürmə ilə yadda qalıb. O, İngiltərə Liqa Kubokunda isə bir matçda iştirak edib və bir qol vurub.

Namiq HUN