Əfsanəvi sprintçi karyerasını başa vurdu
İtaliyalı velosipedçi, “Lotto” komandasının üzvü Eliya Viviani peşəkar karyerasını başa vurduğunu elan edib.
TodayPress TV xəbər verir ki, 36 yaşlı sprinter bu barədə şəxsi X səhifəsində məlumat yayıb.
“Bu 16 il fantastik idi, hər anından zövq aldım və istədiyim hər şeyə nail oldum. Bu gün 2010-cu ildən başlayan peşəkar karyeramı başa vurduğumu elan edirəm. Bu illər ərzində yanımda olan hər kəsə təşəkkür edirəm”.
Viviani “Böyük turlar”ın mərhələlərində 9 qələbə qazanıb. O, “Ciro d’İtaliya”da aktivinə 5, “Tur de Frans”da 1, “Vueltə”də isə 3 qələbə yazdırıb. Eliya həmçinin Rio Olimpiadasının qalibi, ikiqat dünya və səkkizqat Avropa çempionudur.
Namiq HUN
