Cüneyt Çakır "Qarabağ"ın oyununa təyinat aldı
Türkiyənin FIFA dərəcəli keçmiş hakimi Cüneyt Çakır “Qarabağ”ın UEFA Çempionlar Liqasının əsas mərhələsinin ilk turunda keçirəcəyi oyuna təyinat alıb.
TodayPress TV xəbər verir ki, keçmiş referi Azərbaycan çempionunun Portuqaliyada “Benfika”ya qarşı oynayacağı matçın hakim-inspektoru olacaq.
Cüneyt Çakır hazırda Gürcüstan Futbol Federasiyasında Hakimlər Komitəsinin sədri vəzifəsində çalışır.
Xatırladaq ki, o, ötən mövsüm “Qarabağ”ın UEFA Avropa Liqasının əsas mərhələsində Bakıda “Lion” komandasına qarşı keçirdiyi matçda da hakim-inspektor funksiyasını yerinə yetirib.
Qeyd edək ki, sentyabrın 16-da Lissabonda təşkil ediləcək “Benfika” – “Qarabağ” matçı Bakı vaxtı ilə saat 23:00-da başlayacaq.
Namiq HUN
