Belarusda qızıl sevinc – Abakarov zirvəyə qalxdı!
Belarusda üçqat Olimpiya çempionu Aleksandr Medvedin xatirəsinə həsr olunan sərbəst güləş turniri keçirilib.
TodayPress TV Azərbaycan Güləş Federasiyasına istinadən xəbər verir ki, sayca 55-ci dəfə təşkil edilən Minsk turnirində milli komandanın üzvü Abubakr Abakarov (92 kq) uğurlu çıxış edib.
Bütün rəqiblərini məğlub edən təmsilçimiz fəxri kürsünün ən yüksək pilləsinə qalxıb. Abakarov final qarşılaşmasında dağıstanlı Qamzat Qasanova 12:5 hesabı ilə qalib gələrək qızıl medala sahib çıxıb.
Bu nəticə Azərbaycan sərbəst güləş məktəbinin beynəlxalq arenadakı mövqeyini bir daha təsdiqləyib.
Namiq HUN
