Azərbaycan Premyer Liqasında daha bir matç keçirildi
Azərbaycan Premyer Liqasının XXXII turunda daha bir matç keçirilib.
TodayPress TV xəbər verir ki, "Araz-Naxçıvan" "Kəpəz"lə üz-üzə gəlib.
"SOCAR Polymer Arena"da baş tutan matç Naxçıvan təmsilçisinin 2:0 hesablı qələbəsi ilə yekunlaşıb. Qolları Patrik Andrade (36) və Ramon Maçado (76) vurublar.
Bu nəticədən sonra "Araz-Naxçıvan" 43 xalla turnir cədvəlinin 6-cı pilləsində qərarlaşıb. 27 xala malik "Kəpəz" isə 10-cudur.
Qeyd edək ki, bu gün keçirilən digər görüşdə "Qəbələ" "Karvan-Yevlax"ı 2:1 hesabı ilə məğlub edib. XXXII tura mayın 17-də yekun vurulacaq.
