Alleqri əsəbiləşdi, Fabreqasla qarşıdurma gündəm oldu
İtaliya A Seriyasının XXIV turunda keçirilən “Milan” – “Komo” qarşılaşmasından (1:1) sonra baş məşqçilər Massimiliano Alleqri və Sesk Fabreqas arasında gərgin insident yaşanıb.
TodayPress TV xəbər verir ki, bu barədə “Football Italia” nəşri məlumat yayıb.
Bildirilir ki, qarşılaşma zamanı “Komo”nun baş məşqçisi Sesk Fabreqas yan xətt yaxınlığında “Milan”ın hücumçusu Aleksis Salemakersi itələyib. Bu epizod “Milan”ın çalışdırıcısı Alleqrinin ciddi narazılığına səbəb olub. O, texniki zonanı tərk etdiyinə görə hakim tərəfindən qırmızı vərəqə ilə cəzalandırılıb.
Matçdan sonra isə tərəflər mətbuat konfransına yollanarkən yenidən mübahisə ediblər və aralarında sözlü qarşıdurma yaşanıb.
Namiq HUN
