Ağdam klubundan yeni hücumçu hədəfi
“Qarabağ” klubu Belçikanın “Lyej” komandasının hücumçusu Umar Diufu transfer siyahısına daxil edib.
TodayPress TV AZƏRTAC-a istinadən xəbər verir ki, Belçika mətbuatı Ağdam təmsilçisinin seneqallı forvard üçün qarşı tərəfə 1,2 milyon avro təzminat təklif etdiyini yazıb.
Lyej klubu bu təklifi qəbul etməyib. Məlumata görə, Belçika təmsilçisi 22 yaşlı hücumçu üçün 1,5 milyon avro tələb edir.
Forvardın adı Belçikanın “Gent”, “Brügge” klubları, Kiprin “Pafos” komandası, eləcə də adı açıqlanmayan bir İngiltərə Çempionşip təmsilçisi ilə də hallanır.
Qeyd edək ki, Umar Diuf cari mövsüm Belçikanın II Divizionunda 18 oyunda 8 qol vurub. Futbolçunun “Lyej” klubu ilə müqaviləsi 2026/2027 mövsümünün sonunadək qüvvədədir.
Namiq HUN
