Ərik haqqında çoxlarının bilmədikləri
İyul ayında ən çox istehlak olunan meyvələrdən biri olan ərik həm dadlı, həm də sağlam qəlyanaltı hesab olunur.
TodayPress TV xəbər verir ki, mütəxəssislərin bildirdiyinə görə, təzə ərik az kalorili, lif, C və E vitaminləri, eləcə də beta-karotinlə zəngindir.
Qurudulmuş ərik isə xüsusilə kalium baxımından seçilir. Belə ki, 100 qram qurudulmuş ərikdə 1100 mq-dan çox kalium olduğu, bunun isə banandan xeyli yüksək göstərici olduğu qeyd edilir. Bununla yanaşı, qurudulmuş ərik daha kalorili və təbii şəkər baxımından zəngin olduğundan onun ölçülü miqdarda istehlak edilməsi tövsiyə olunur.
