Tərtərdə qadın dəm qazından zəhərləndi
Tərtərdə 89 yaşlı qadın dəm qazından zəhərlənib.
TodayPress TV-nin məlumatına görə, hadisə rayon mərkəzində - Rövşən Kərimov küçəsində baş verib.
Hamam otağında ikən müvazinətini itirən 1936-cı il təvəllüdlü Quliyeva Zemfira Şahvələd qızı yerə yıxılıb. Yıxıldığı zaman yapışmaq istədiyi qaz açarı zədələnib və dəm qazı içəri dolub.
Zəhərlənmiş vəziyyətdə xəstəxanaya çatdırılan ahıl qadının durumu həkimlərin müdaxiləsi nəticəsində stabilləşib.
Faktla bağlı araşdırma aparılır.
