Zelenski “Patriot” istehsalçısı ilə görüşdü
Ukrayna Prezidenti Volodimir Zelenski Vaşinqtona səfəri çərçivəsində “Patriot” hava hücumundan müdafiə sistemlərini istehsal edən ABŞ-nin hərbi-sənaye şirkəti “Raytheon” nümayəndələri ilə görüşüb.
TodayPress TV xəbər verir ki, bu barədə Ukrayna liderinin mətbuat xidməti məlumat yayıb.
“Tərəflər “Raytheon” şirkətinin istehsal imkanlarını, Ukraynanın hava hücumundan müdafiə qabiliyyətini gücləndirmək və uzaqmənzilli imkanlarını artırmaq üçün mümkün əməkdaşlıq yollarını müzakirə ediblər”, - deyə məlumatda bildirilib.
Zelenski, həmçinin şirkət nümayəndələri ilə Amerika-Ukrayna birgə silah istehsalı məsələsini də müzakirə edib.
Aysel Mətləb
