Qazaxıstan və Özbəkistan prezidentləri Daşkənddə görüşdü
Qazaxıstan Prezidenti Kasım-Jomart Tokayev Daşkənddə Özbəkistan Prezidenti Şavkat Mirziyoyevlə görüş keçirib.
TodayPress TV xəbər verir ki, Qazaxıstan Prezidentinin mətbuat xidmətinin məlumatına görə, tərəflər iki ölkə arasında strateji tərəfdaşlıq və müttəfiqlik münasibətlərinin gələcək inkişaf istiqamətlərini müzakirə ediblər.
Görüşdə ticarət, sənaye kooperasiyası, nəqliyyat-logistika, energetika, kənd təsərrüfatı, su ehtiyatları və mədəni-humanitar sahələrdə əməkdaşlığın dərinləşdirilməsi məsələləri diqqət mərkəzində olub.
Prezidentlər, həmçinin regional və beynəlxalq gündəmdə duran aktual məsələlərlə bağlı fikir mübadiləsi aparıblar.
Jalə Rövşən
