Putin bu ölkələrə xəbərdarlıq etdi: Siyahıda Azərbaycan da var
Putin MDB ölkələrinin sərhədləri yaxınlığında yeni təhdidlər barədə xəbərdarlıq etdi.
TodayPress TV xəbər verir ki, bu barədə "Reuters" məlumat yayıb.
Məlumata görə, Rusiya Prezidenti Vladimir Putin Birliyi potensial daxili və xarici təhdidlərdən etibarlı şəkildə qorumaq üçün MDB təhlükəsizlik orqanlarının və xüsusi xidmət orqanlarının imkanlarından maksimum dərəcədə istifadə etməyin vacibliyini vurğulayıb.
Putin qlobal hərbi-siyasi vəziyyətin xeyli mürəkkəbləşdiyini, MDB sərhədləri yaxınlığında da daxil olmaqla, yeni qeyri-sabitlik ocaqlarının yarandığını vurğulayıb.
Rusiya lideri bildirib ki, bu fonda bütün Birlik ölkələrini potensial daxili və xarici təhdidlərdən etibarlı şəkildə qorumaq, müntəzəm olaraq məlumat mübadiləsi aparmaq və ümumi problemlərin həlli üçün vahid yanaşmalar hazırlamaq üçün strukturların analitik, kadr, əməliyyat və texniki imkanlarından tam istifadə etmək vacibdir.
Rusiya Prezidenti Regional Əməkdaşlıq Şurasının (SRRC) iclasının nəticələrinin MDB ölkələrinin və xalqlarının təhlükəsiz və davamlı inkişafının təmin edilməsinə xidmət edəcəyinə əminliyini bildirib.
Qeyd edək ki, MDB (Müstəqil Dövlətlər Birliyi) hazırda 9 əsas üzv dövlətdən ibarətdir: Azərbaycan, Belarus, Ermənistan, Qazaxıstan, Qırğızıstan, Moldova, Rusiya, Tacikistan, Özbəkistan.
Jalə Rövşən
