Pakistan və Əfqanıstan arasında atəşkəs müddəti başa çatdı
Pakistan və Əfqanıstan arasında atəşkəs 24 mart saat 00:00-da (Bakı vaxtı ilə 23 mart saat 23:00) başa çatıb.
TodayPress TV xəbər verir ki, tərəflərdən heç biri atəşkəsin uzadılması barədə açıqlama verməyib.
Qeyd edək ki, martın 20-də Əfqanıstan Baş Qərargah rəisi Qari Fasihuddin Fitrat Pakistan qüvvələrinin atəşkəsi pozduğunu bildirib. O, Pakistanın sərhəd bölgələrindəki hücumları nəticəsində bir neçə mülki şəxsin öldüyünü iddia edib.
İslamabad isə atəşkəsin pozulması ittihamını rədd edib.
Xatırladaq ki, martın 18-də İslamabad və Kabil müsəlmanların Ramazan bayramı münasibətilə beş günlük atəşkəs elan ediblər.
Aysel mətləb
