Meksika Prezidenti Trampla görüşdən razı qaldı
Meksika Prezidenti Klaudiya Şeynbaum ABŞ Prezidenti Donald Tramp ilə keçirdiyi və ikitərəfli ticarət, həmçinin təhlükəsizlik məsələlərini müzakirə etdiyi danışıqları müsbət qiymətləndirib.
TodayPress TV xəbər verir ki, bu barədə o, "X" sosial şəbəkəsində yazıb.
"Prezident Tramp ilə səmimi və mükəmməl söhbətimiz oldu. Təhlükəsizlik sahəsində apardığımız işləri və ticarət üzrə danışıqları bir daha təsdiqlədik", - deyə Şeynbaum bildirib.
Dövlət başçısı əlavə edib ki, yaxın vaxtlarda müzakirələri davam etdirmək üçün ABŞ nümayəndə heyəti Meksikaya səfər edəcək.
Aysel Mətləb
