Laricani: "Tehran sanksiyaların ləğvi ilə bağlı Vaşinqtona mesaj göndərməyib"
"İran ABŞ-yə heç bir yeni məlumat ötürməyib, lakin biz davamlı olaraq sanksiyaların ləğvi üçün çalışırıq".
TodayPress TV xəbər verir ki, bunu İranın Ali Milli Təhlükəsizlik Şurasının katibi Əli Laricani deyib.
Onun sözlərinə görə, Tehran davamlı olaraq Qərbin sanksiyalarını ləğv etmək üçün çalışır.
"İran hökumətinin və diplomatik qurumlarının bütün niyyətləri sanksiyaların aradan qaldırılmasına yönəlib, lakin biz heç bir mesaj verməmişik", - deyə o bildirib.
Xatırladaq ki, sentyabrın sonunda BMT Təhlükəsizlik Şurasının 2015-ci il nüvə sazişi ilə ləğv edilmiş İrana qarşı sanksiyalar tətbiq edən qətnamələri bərpa edilib.
Aysel Mətləb
